علاء الدين ظاهر
إذا كنت عاشقا للتاريخ وتبحث عن أسراره والغازه المثيرة،استعد الجمعة القادمة حيث ينظم فريق سراديب للوعي والثقافة الأثرية جولة جديدة لزيارة واستكشاف الآثار الإسلامية،وجولة هذه المرة في شارع الصليبة.
حسام زيدان الباحث المتخصص في الآثار وعضو الفريق سألناه عن تفاصيل الجولة ومن يحب الاشتراك فيها،وقال لنا بخفة الدم المميزة لأعضاء فريق سراديب:أسئلة كتير هتلاقي اجاباتها في زيارتنا الجديدة واللي هتكون خفيفة ولكن كلها مغامرات لشارع الصليبة المشهور بشارع الـ 500 متر آثار.
يوم الجمعه 30 أكتوبر إن شاء الله هنبدأ زيارتنا إن شاء الله بشيخ الجوامع وجامع الخمسة جنيهات جامع احمد بن طولون وهنعرف حكايات وأساطير ونماذج فنية ومعمارية ظهرت لأول مرة، وحكاية المهندس القبطي وهنصعد لأعلى نقطه في شارع الصليبه ونشوف مآذن القاهرة ❤️
وهنروح متحف جاير أندرسون (بيت الكريتلية)،ونشوف المكان اللي مثل فيه جيمس بوند واتصور فيه فيلم الفيل الازرق 2 والتوت والنبوت وأفلام تانيه كتير ونعرف مع بعض القصص الاسطورية والامثاال الشعبيه
وهنتكلم عن جامع صرغتمش ونعرف حكايات الأمير
وهنشوف بقايا قصر السلطان الغوري
ومسجد ابن تغري بردي
وسبيل أم عباس
ونعرف حكايات وهجمات جامع وخانقاة شيخو
ونشوف سبيل قايتباي وهننزل الصهريج وأقدم مياه باقية،وختام زيارتنا في ميدان القلعه إن شاء الله.
الجولة ليست مقتصرة علي المتخصصين والباحثين فقط الجولة للهواة والمتخصصين والطلاب والباحثين في أقسام الآثار والتاريخ والإرشاد السياحي والفنون والعمارة.
هنتجمع إن شاء الله من الساعه 9:15 صباحًا أمام ابن طولون،وهنبدأ 9:45 إن شاء الله،وتنتهي الزيارة فى تمام الساعة 3 ظهرًا،وكالعادة هيكون معانا الجزء الترفيهي ومسابقتنا اللي مبتخلصش وهدايا كالعاده
التنظيم والشرح للمجموعة زي ما اتعودنا 😍 شريف هاشم، ومصطفى حزين، وحسام زيدان،بنشرح الأثر من جميع جوانبه المعمارية والفنية والتاريخية
للتسجيل إملأ الفورم من هنا
للاستعلام والتواصل:
01010160539
01004328594
01004331115
ليست هناك تعليقات:
إرسال تعليق