تنعى وزارة الآثار أسرة الشهيد محمود السيد عبد الفتاح الذى توفى أثناء
قيامه بأعمال الترميم فى برج الساعة بجامع محمد على بالقلعة بعد سقوطه من فوق
السقالة ، ويتقدم د. ممدوح الدماطى وزير الآثار بخالص العزاء لأسرة الشهيد
وزملائه، داعياً المولى عز وجل أن يتغمده بواسع رحمته و يلهم ذويه الصبر و السلوان،
وأضاف بأنه سيتم صرف إعانة عاجلة من صندوق العاملين بوزارة الآثار لحين إنهاء
إجراءات صرف مستحقاته المالية
توفى إلى رحمة الله تعالى زميلنا وأخونا فى العمل الأستاذ / محمود السيد عبد الفتاح وهوا أحد الفنين بأدارة ترميم جنوب القاهرة والقلعة ربنا يرحمة برحمتة شاب عمرة أقل من 30 سنة طبعا هيا الأعمار بيد الله لكن دة بردو موتة بسبب الأهمال فى العمل والسبب فى كدا من أول الوزير لغاية أصغر مدير متخلف بيطيع الأوامر وهوا كل ألى يهمة انة يفضل على الكرسى وخلاص وميهمهوش اى حد تانى لما واحد يطلع يشتغل على سقالة غير مجهزة ويموت ويقع من عليها ومتلقيش حتى المديرة المحترمة ألى بيشتغل تحت أدارتها تروح تشوفة وهوا فى المستشفى عشان كان جاى ليها زيارة من رئيس الادارة المركزية للترميم وتقعد تضايف رئيس الأدارة المركزية وهيا عارفة ان فى واحد من رجلتها ميت فى المستشفى لا وألى يفقع المرارة انها تتصل بينا تقول لينا امشو من عندكو واحنا معاة فى المستشفى عشان منقعشى فى تحقيقات النيابة منتهى الأحترام بجد بدل متكون هيا وقفة مكانا مع الوالد ألى توفى وهوا بيشتغل بجد حسبنى الله ونعم الوكيل فى كل مقصر لا والجميل أكتر ان مفروض منطقة القلعة الأثرية مفروض بيبقى فيها عربية اسعاف مكنتشى موجودة ولما جة البية وشرف بيتعامل بمنتهى البرود لدرجة ان السيد المحترم الدكتور عادل غنيم هوا وزميلنا هما ألى فتحو باب عربية الاسعاف وجابو التوريلى وبيجرو بية وبتاع عربية الاسعاف ابن ستين كلب بيمشى بمنتهى البرود والمرقعة الفاضية ومش عجبة ان الناس بتقلة اجرى شوف الحالة بجد حسبنى الله ونعم الوكيل فية هوا وكل واحد يقصر فى عملة ...... الأهم من دة كلة حق الراجل دة هيجى ازاى ألى توفى نتيجة أهمال فى العمل من سقالة شوية عالم جهلة بيعملوها وأخرهم اساسا يعملو عشة فراخ دة لو عرفو ومن المدرين المقصرين فى حق الراجل دة ومن وزير قاعد على كرسى وهوا مش فاهم اى حاجة فرحان بس بالحراسة والعربية الشيك ألى بتروحة وتجيبة الشغل بجد الله ينتقم منكو جميعا ان شاء الله ربنا مش بيسيب حق حد
ليست هناك تعليقات:
إرسال تعليق